Mamlakatimizda a'lo xulqi, zukkoligi, donoligi, tashabbuskorligi, o'qishdagi muvaffaqiyatlari bilan alohida iste'dodini namoyon qilib ta'lim olayotgan, istiqlol g'oyalarini amalga oshirish yo'lida astoydil mehnat qilayotgan iqtidorli yosh yigit - qizlar talaygina.

Ana shunday ibratli qoraqolpoq qizlarining biri – Usnatdinova Shayda Paraxatovnadir. U 1990 yilning 30-oktyabrda Nukus shahrida tavallud topgan. Hozirgi paytda Nukus Sotsial – ekonomika kollejining buxgalteriya hisoboti va audit yo`nalishida o`qib, tahsil olmoqda. Yoshligidan bilimga chanqoqligi bilan o`zini namayon qilib kelayotgan - Shayda, bir qator jamoatchilik ishlarda ham o`z faolligini ko`rsatmoqda. U “Kelajak ovozi” yoshlar tashabbuslari markazining “Yoshlarni qo`llab - quvvatlash” yo`nalishida lider assistenti bo`lib ish olib bormoqda.

U “Kelajak ovozi” yoshlar tashabbuslari markazida o`z g`oyalari bilan foal ishtirok etib keladi. Ana shunday ezgu g`oyalaring biri “Zulfiya nomidagi Davlat mukofotinining Qoraqalpog`iston Respublikasi bo`yicha” sayt yaratish bo`lib, uning o`zi shu saytning yaratilishida, saytga muhim hujjat va ma`lumotlarni yig`ishda jonbozlik ko`rsatdi.

Shayda ham shu yili ya`ni 2008 – “Yoshlar yili”da Zulfiya nomidagi Davlat mukofotiga sazovor bo`lishni o`z oldiga maqsad qilib qo`ygan. Biz “Kelajak ovozi” yoshlar tashabbuslari markazi foallari, xalq ishonchini oqlash, ertangi umidlarini ro'yobga chiqarish o'z sohasining rivojiga va shu orqali yurtining ravnaqiga hissa qo'shishga bel bog`lagan Shaydaga, mashaqatli yo`lida oq yo'l tilab qolamiz.

Po'latbek Azatovich Kudiyarov

"Kelajak ovozi” yoshlar tashabbuslari markazi,
Koordinator assistenti